“İrana qarşı olan İsrail-ABŞ dostluğunun qədri bilinməlidir”

İsrail prezidenti: "Aramızda olan bəzi ixtilafları mövcud vəziyyəti nəzərə alaraq, siyasi dünyagörüşümüzə əsaslanaraq idarə etməliyik"

"Təl-Əviv, İranın nüvə proqramına qarşı qurulan İsrail-ABŞ əməkdaşlığa sahib olmanın əhəmiyyətini dərk etməlidir".

ANS PRESS-in "Jerusalem Post" qəzetinə istinadən verdiyi məlumata görə, İsrail prezidenti Şimon Peres bildirib ki, İsrail rəhbərliyi, Vaşinqtonla dostluğu daim yüksəkdə tutmalıdır.

"Biz bu dostluğu nəzərdən qaçırmamalıyıq. Aramızda bəzi ixtilaflar ola bilər, lakin bu ixtilafları da mövcud vəziyyəti nəzərə alaraq, siyasi dünyagörüşümüzə əsaslanaraq idarə etməliyik. Əgər aramızda anlaşılmazlıq olarsa, bunu dilə gətirək. Onu da bilməliyik ki, amerikalılar da bir şey bilirlər" - deyə İsrail prezidenti qeyd edib.

Obama Suriya məsələsində Putinlə razılaşdı

ABŞ Rusiyanın Suriyadakı kimyəvi silahın beynəlxalq nəzarətə götürülməsi təklifinə müsbət dəyərləndirib

ABŞ prezidenti Barak Obama Rusiyanın Suriyadakı kimyəvi silahın beynəlxalq nəzarətə götürülməsi təklifinə müsbət dəyərləndirib. 

ANS PRESS-in Rusiya mətbuatına istinadən məlumatına görə, Barak Obama jurnalistlərin ona ünvanladığıa“Rusiyanın təklifi ABŞ-ın Suriyaya qarşı hərbi müdaxiləni önləyə bilərmi” sualına “Əgər gerçəkləşərsə, ola bilər” cavabını verib. 

Bu arada ABŞ Senatı Suriyaya qarşı hərbi müdaxiləni nəzərdə tutan qətnamənin səsverməsini ertələyib.(anspress.com)

Obama:"Regionda sülhün bərqərar olunması üçün yeni səylərin göstərilməsi vaxtı yetişib"

ABŞ prezidenti İlham Əliyevə məktub yazıb
 Amerika Birləşmiş Ştatlarının Prezidenti Barak Obama Azərbaycan Respublikasının Prezidenti İlham Əliyevə məktub ünvanlayıb. B.Obama Bakıya ilk rəsmi səfəri münasibətilə mən ABŞ-ın ATƏT-in Minsk qrupunda yeni həmsədri təyin olunmuş səfir Ceyms Uorlikə tam dəstək verdiyini qeyd edib. "Onun bu yaxınlarda təyin olunması tərəflərin Dağlıq Qarabağ münaqişəsinin sülh yolu ilə həllinə nail olmasına yardım etmək işinə Birləşmiş Ştatların qəti və birmənalı sadiqaliyinin güclü göstəricisidir.

Ümidvaram ki, səfir Uorlikin zəngin diplomatik təcrübəsi və hökumətinizin irəliləyişə nail olmaq arzusu həmsədrlərin işinə və sülh prosesinə yeni təkan verəcək. Mən gələn aylar ərzində Ermənistan ilə birbaşa dialoq imkanlarından yararlanmağınızı və danışıqlarda hazırkı çıxılmaz vəziyyətdən çıxış yolu tapmaq üçün həmsədrlərin vaxtından və bacarığından istifadə etməyinizi dəstəkləyirəm. Artıq danışıqlarda müəyyən edilmiş kompromis çərçivəsində regionda sülhün bərqərar olunması üçün yeni səylərin göstərilməsi vaxtı yetişib".(anspress.com)

İranlı nazirin 70 milyonu onu tələyə saldı

İslam ölkəsinin sabiq məmuru Tahmaşb Mazeherini hava limanında saxlayıblar
Ötən həftə Almaniyanın Düsseldorf hava limanında 70 milyon dollar həcmində qəbzlə saxlanılan şəxsin kimliyi açıqlanıb. ANS PRESS-in "RİANovosti"yə istinadən verdiyi məlumata görə, həmin şəxs İranın sabiq maliyyə naziri Tahmaşb Mazeheri olub. 

Almaniya mətbuatı yazır ki, 59 yaşlı Mazeheri əvvəllər İranın maliyyə naziri və İran Milli bankının sədri olubmuş. Almaniya polisi onu yanvarın 21-də saxlanılıb. Belə ki, iranlı eks-nazirin baqajından Venesuela bankının 300 milyon bolivarı (70 milyon dollar) tapılıb. 

Hazırda sabiq nazirin ödəniş sənədlərini açıqlamamaqda ittiham olunacağı gözlənilir. Bundan başqa, Almaniya hakimiyyəti pul vasitələrinin yuyulması əlamətlərinin aşkarlanmasına dair araşdırmalara da başlayacağını bildirib. 

Mazeheri özü məsələ ilə bağlı bildirib ki, bu pulları 10 min yeni mənzilin tikintisini maliyyələşdirmək üçün Venesuela hökümətinə verməyi planlaşdırırmış.  (anspress.com)

İsraili Türkiyədən üzr istəməyə nə vadar etdi?

Versiyalar arasında Obamanın təzyiqi, Ərəb baharı,Suriya məsələsi təbii qaz və enerji ehtiyatlarının tapılması var
İsrailin 3 il əvvəl Qəzzaya humanitar yardım aparan "Mavi Mərmərə" gəmisinə hücumla bağlı Türkiyədən üzr istəməsi bu ölkədə səbrin və müqavimətin zəfəri hesab edilə bilər. Türkiyə "Mavi Mərmərə" məsləsi ilə bağlı ABŞ, NATO, Avropa Birliyi ölkələrinin çox ciddi reaksiyaları üzləşsə də, öz mövqeyini dəyişməyib. Bu üzr Türkiyənin müqavimətinin İsrailin inadından daha güclü olduğunu göstərdi. 
Türk mətbuatı çoxdan gözlənilən bu üzürxahlıqdan sonra İsraili bu addımı atmağa vadar edən yolları araşdırıb. ANS PRESS-in “Star" qəzetinin internet səhifəsinə istinadla verdiyi məlumata görə, burada 3 vacib məqam rol oynayıb. 

Obama təzyiqi
Bölgədəki vəziyyətlə bağlı Obamanın vəziyyətinin çətinləşməsi və Rusiyanın son zamanlara Aralıq dənizində artan mövqeyi nəticəsində Obama İsraili üzr istəməyə vadar edib. 

Ərəb baharı və Suriya 
Ərəb baharından sonra İsrailin ən güvənli sərhəddi olan Misirdə "Müsəlman qardaşları"nın iqtidar olması, qonşusu İordaniyanın Suriyadakı qarşıdurmalar nəticəsində risklə qarşı-qarşıya qalmağı,Suriyada rejimin çökəcəyi təqdirdə Türkiyəyə yaxın bir gücün iqtidara keçə biləcəyi ehtimalı, sərhəddə baş verənlərin İsrailədə sıçraya biləcəyi ehtimalı bu ölkəni narahat edib. Bura Hizbullahın Suriyadan kimyəvi silah alma ehtimalıda əlavə ediləndə Türkiyə ilə yaxınlaşma daha böyük önəm daşımağa başlayıb. (anspress.com)

Avropa Birliyi Türkiyəni itirə bilər
Erdoğan AB-nə 2023-cü ilə kimi vaxt qoyub
"Brüssel və Ankara arasında 2023-cü ilə kimi kompromis əldə olunmasa, Türkiyə Avropa Birliyilə üzv olmaq niyyətindən daşınacaq". Bu sözləri Berlinə rəsmi səfərdə olan Türkiyənin baş naziri Rəcəb Tayyib Ərdoğan deyib. Səfər çərçivəsində baş nazir alman kansleri Angela Merkellə görüşüb. Görüşdən sonra rəsmilər birgə mətbuat konfransında iştirak edib. Angela Merkel, baş naziri əmin etməyə çalışıb ki, arada olan ziddiyyətlərə baxmayaraq, Avropa Birliyi “vicdanlı” şəkildə Ankara ilə üzvlük danışıqlarını davam etdirmək niyyətindədir. 

“Biz Şimali Kipr Türk Respublikasını tanıyırıq, halbuki başqaları bunu təkrarlamır. Xanım Merkel özü də təsdiq edib ki, Cənubi Kiprin təkbaşına Avropa Birliyinə daxil edilməsi böyük səhv olub. Türkiyə nəticələr əldə etməlidir. Avropa Birliyinin mövcud olduğu 50 il ərzində heç bir ölkə bizə göstərilən belə münasibətlə qarşılaşmayıb". 

Birgə mətbuat konfransında liderlər Suriya problemindən yan keçməyib. Türkiyənin baş naziri ölkəsinə sığınan suriyalı qaçqınlarla bağlı Ankaranın Almaniyanın dəstəyinə ehtiyac duyduğunu açıqlayıb. 
Qeyd edək ki, Suriyadakı münaqişə ilə əlaqədar 170 min suriyalı sakin Türkiyə ərazisində sığınacaq tapmalı olub. 

Bu arada Berlində baş nazir Erdoğanın Almaniyaya səfəri ilə bağlı etiraz aksiyası keçirilib. 2500 nəfərin yer aldığı bildirilən aksiyada nümayişçilər Erdoğanı Türkiyəni demokratiyadan uzaqlaşdırmaqda, söz azadlığını və digər insan haqqlarını boğmaqda ittiham edib. Aksiyada Türkiyədə yaşayan dini və etnik azlıqlar təşkil edib.(anspress.com)

Putindən sərt bəyanat
"Heç kimin Rusiyaya kiminlə və necə ticarət aparmağı diktə etməyə ixtiyarı yoxdur”
"Rusiya yalnız BMT Təhlükəsizlik Şurasının sanksiyası ilə xaricə silah ixracını məhdudlaşdıra bilər". Bu bəyanatla nazirlər və müdafiə sənayesi sahəsinin rəsmiləri ilə görüşən Rusiya prezidenti Vladimir Putin çıxış edib. Xarici mətbuatın diqqətindən yayınmayan çıxışı siyasi şərhçilər Kremelin “Qərbin etirazlarına baxmayaraq, Moskva Suriya ilə silah alverini davam etdirəcək” ismarıcı kimi qiymətləndirib. 

Xatırladaq ki, BMT Təhlükəsizlik Şurasının daimi üzvü olan Rusiya, Çinlə yanaşı bir neçə dəfə Suriya əleyhinə sanksiyalara qarşı veto hüququndan istifadə edib. Rusiya prezidentinin silah ixracı ilə bağlı sərt bəyanatı isə, Türkiyənin Moskva-Dəməşq reysi ilə hərəkət edən təyyarəni məcburi eniş etdirməsindən bir neçə gün sonra gəlib. Türkiyə rəsmiləri təyyarədə hərbi avadanlıq və sursatların olduğunu desə də, Rusiya tərəfi bunun (müsadirə edilmiş) yükün radar hissələrindən ibarət olduğunu və bunun legitim yük olduğunu iddia edir. 

Vladimir Putin çıxışında təyyarə insidentinə toxunmasa belə, bildirib ki, heç kim silah məsələsində Rusiyaya diktə edə bilməz.
“Hərbi silahların bu və ya digər ölkələrə daşınmasına yalnız BMT Təhlükəsizlik Şurasında qəbul olunmuş sanksiyalarla məhdudiyyət qoymaq olar. Biz məhz bu prinsip çərçivəsində hərəkət edirik. Bütün başqa hallarda, heç kimin, heç bir əsasla, Rusiya və ya digər bir ölkəyə kiminlə və necə ticarət aparmağı diktə etməyə ixtiyarı yoxdur”. 

Rəsmi Moskva Rusiyanın 2011-ci ilin mart ayından vətəndaş müharibəsi gedən Suriya ilə əvvəlki silah müqavilələrinə sadiq qalacağını açıqlayıb.(anspress.com)

“Rezonans” Gənclərin İctimai Birliyi jurnalistlər arasında Azərbaycanda narkomaniya, onun fəsadları və ona qarşı aparılan mübarizə üzrə məqalə müsabiqəsi elan edir:

Müsabiqənin şərtləri:

• Məqalələr yuxarıda göstərilən mövzulardan birini əhatə etməlidir;
• Qoyulan mövzularda cəmiyyəti narahat edən narkomaniya ilə əlaqədar məsələlərə işıq salmalıdır;
• Məqalələrdə ekspert rəyləri, məsələyə yanaşmada mövqeləri, xüsusilə rəsmi strukturların münasibətinin əks etdirilməsi, araşdırmalar və s. arzu olunandır;
• Müsabiqəyə təqdim olunacaq hər bir məqalənin sonunda aşağıdakı məlumat mütləq  qeyd olunmalıdır: “Bu yazı  Azərbaycan Gənclər və İdman Nazirliyinin dəstəyilə “Rezonans” Gənclərin İctimai Birliyinin həyata keçirdiyi layihə  çərçivəsində elan olunmuş müsabiqəyə təqdim edilir”.
• Yalnız mətbuatda dərc olunmuş və ya İnternet media portallarında yerləşdirilmiş məqalələr müsabiqəyə təqdim oluna bilər. Məqalə mətbuat orqanında dərc olunmuşsa, həmin orqanın məqalənin dərc olunduğu sayının nüsxəsi təqdim edilməlidir, məqalə İnternet media portalında yerləşdirilibsə, həmin portalın adı və əlaqədar linkin tam adı rezonans-ypu@mail.ru elektron poçt ünvanına göndərilməlidir;
• Mwsabiqə 15 Oktyabr 2012-ci il tarixədək davam edəcək.
• Müsabiqənin nəticəsi,  yazı  Azərbaycan Gənclər və İdman Nazrliyinin, vətəndaş cəmiyyətinin nümayəndələrindən və tanınmış jurnalistlərdən ibarət münsiflər heyəti tərəfindən qiymətləndirildikdən sonra, 25 oktyabr 2012-ci tarixdə açıqlanacaq.

• Müsabiqənin qalibləri (I, II və III yerlər) mükafatlandırılacaq.

Əlaqə:

Tel: (012) 511 38 21 (ofis)

"Sebastiyan" nəhayət ki, həbs edildi

Kolumbiyada narkotika ticarətində ölkənin ən böyük qruplaşmasının başçısı tutuldu
Kolumbiyada narkotika ticarətində ölkənin ən böyük qruplaşmasının başçısı həbs edilib. "Sebastiyan" ləqəbli narkobaron Erikson Varqas Kardonanı Kopakabana vilayətində polisin xüsusi əməliyyatı nəticəsində ələ keçirmək mümkün olub. Onun həbs edilməsi ilə bağlı açıqlama verən Kolumbiya prezidenti Xuan Manuel Santos bildirib ki, "Sebastiyan" tezliklə Birləşmiş Ştatlara ekstradisiya olunacaq.

"Sebastiyan Kopakabana əyalətində ələ keçirilib. O, şübhəsiz "Ofisina de Enviqado" cinayətkar qrupunun başçısıdır. Biz uzun müddətdir ki, onu axtarırdıq. İndi isə o, ekstradisiya olunacaq", - deyə Santos bildirib. 

Qeyd edək ki, axtarışda olan zaman "Sebastiya"nın ünavanını deyənə 673 min dollar mükaft vəd olunub. (anspress.com)

İsveçdə islam əleyhinə nümayiş keçirilib

Aksiyada bir neçə nəfər saxlanılıb