“Rezonans” Gənclərin İctimai Birliyi jurnalistlər arasında Azərbaycanda narkomaniya, onun fəsadları və ona qarşı aparılan mübarizə üzrə məqalə müsabiqəsi elan edir:

Müsabiqənin şərtləri:

• Məqalələr yuxarıda göstərilən mövzulardan birini əhatə etməlidir;
• Qoyulan mövzularda cəmiyyəti narahat edən narkomaniya ilə əlaqədar məsələlərə işıq salmalıdır;
• Məqalələrdə ekspert rəyləri, məsələyə yanaşmada mövqeləri, xüsusilə rəsmi strukturların münasibətinin əks etdirilməsi, araşdırmalar və s. arzu olunandır;
• Müsabiqəyə təqdim olunacaq hər bir məqalənin sonunda aşağıdakı məlumat mütləq  qeyd olunmalıdır: “Bu yazı  Azərbaycan Gənclər və İdman Nazirliyinin dəstəyilə “Rezonans” Gənclərin İctimai Birliyinin həyata keçirdiyi layihə  çərçivəsində elan olunmuş müsabiqəyə təqdim edilir”.
• Yalnız mətbuatda dərc olunmuş və ya İnternet media portallarında yerləşdirilmiş məqalələr müsabiqəyə təqdim oluna bilər. Məqalə mətbuat orqanında dərc olunmuşsa, həmin orqanın məqalənin dərc olunduğu sayının nüsxəsi təqdim edilməlidir, məqalə İnternet media portalında yerləşdirilibsə, həmin portalın adı və əlaqədar linkin tam adı rezonans-ypu@mail.ru elektron poçt ünvanına göndərilməlidir;
• Mwsabiqə 15 Oktyabr 2012-ci il tarixədək davam edəcək.
• Müsabiqənin nəticəsi,  yazı  Azərbaycan Gənclər və İdman Nazrliyinin, vətəndaş cəmiyyətinin nümayəndələrindən və tanınmış jurnalistlərdən ibarət münsiflər heyəti tərəfindən qiymətləndirildikdən sonra, 25 oktyabr 2012-ci tarixdə açıqlanacaq.

• Müsabiqənin qalibləri (I, II və III yerlər) mükafatlandırılacaq.

Əlaqə:

Tel: (012) 511 38 21 (ofis)

"Sebastiyan" nəhayət ki, həbs edildi

Kolumbiyada narkotika ticarətində ölkənin ən böyük qruplaşmasının başçısı tutuldu
Kolumbiyada narkotika ticarətində ölkənin ən böyük qruplaşmasının başçısı həbs edilib. "Sebastiyan" ləqəbli narkobaron Erikson Varqas Kardonanı Kopakabana vilayətində polisin xüsusi əməliyyatı nəticəsində ələ keçirmək mümkün olub. Onun həbs edilməsi ilə bağlı açıqlama verən Kolumbiya prezidenti Xuan Manuel Santos bildirib ki, "Sebastiyan" tezliklə Birləşmiş Ştatlara ekstradisiya olunacaq.

"Sebastiyan Kopakabana əyalətində ələ keçirilib. O, şübhəsiz "Ofisina de Enviqado" cinayətkar qrupunun başçısıdır. Biz uzun müddətdir ki, onu axtarırdıq. İndi isə o, ekstradisiya olunacaq", - deyə Santos bildirib. 

Qeyd edək ki, axtarışda olan zaman "Sebastiya"nın ünavanını deyənə 673 min dollar mükaft vəd olunub. (anspress.com)

İsveçdə islam əleyhinə nümayiş keçirilib

Aksiyada bir neçə nəfər saxlanılıb

Bu gün Hüsnü Mübarək barəsində məhkəmə hökmü elan ediləcək

Keçmiş Misir prezidentini ölüm cəzası gözləyir

Bu gün Qahirə məhkəməsi Misirin keçmiş prezidenti Hüsnü Mübarək barəsində hökm elan edəcək. ANS PRESS-in “İnterfaks”a istinadən verdiyi məlumata görə, hökmün elan ediləcəyi Qahirə Polis Akademiyasına təhlükəsizlik qüvvələri cəlb ediləcək. Şəhərdə ictimai asayişə 20 min polis və 160 tank nəzarət edəcək.

Ötən ilin fevralında vəzifəsindən kənarlaşdırılan Hüsnü Mübarək korrupsiya cinayətlərində, o cümlədən, polisə nümayişçilərə atəş açmaq əmri verməklə 800 nəfərin ölümünə səbəb olmaqda ittiham edilir. (anspress.com)

"B8" ölkələrinin sammiti sona çatıb

Obama sammitinin yekununda mətbuat konfransında çıxış edib

Böyük Səkkizlik ölkələrinin sammiti sona çatıb. Amerika Birləşmiş Ştatlarının prezidenti Barak Obama Böyük Səkkizlik ölkələrinin sammitinin yekunu olaraq mətbuat konfransında çıxış edib.

Obama sammitdə iqtisadi inkişafın və vətəndaşların iş yerləri təmin edilməsinin prioritet məsələlər olması ilə bağlı liderlərlə razılağa gəldiklərini bildirib. "Stabil və iqtisadiyyatı aratan qrafik üzrə inkişaf edən Avropa görmək hər kəsin, həmçinin, Amerikanın marağındadır. Avropa maliyyə böhranını aradan qaldırmaq üçün mühim addımlar atıb. Ölkələr həm fərdi olaraq, həm də, ümumilikdə, Avropa Birliyi olaraq uzunmüddətli inkişaf xəttini təmin etmək məqsədilə ciddi islahatlar həyata keçirib. Bunun nəticəsi olaraq burada bu inkişaf xəttini qorumaq və daha da inkişaf etdirmək üçün ümumi razılıq əldə etdik".(anspress.com)

Rasmussen: "NATO-nun Suriyaya müdaxilə etmək niyyəti yoxdur"

NATO-nun baş katibi bildirib ki, Suriya rejimi xalqın legitim istəklərini həyata keçirməlidir

NATO-nun Suriyaya müdaxilə etmək niyyəti yoxdur. Bu cür bəyanatla çıxış edən NATO-nun baş katibi Anders Foq Rasmussen bildirib ki, Suriya rejimi istənilən halda xalqın legitim istəklərini həyata keçirməlidir. Onun sözlərinə görə, irəliyə gedən yol yalnız azadlıq və demokratiyadan keçir.

"Hər şeydən əvvəl mülki insanlara qarşı törədilən zorakılığa görə rejimi şiddətlə qınayıram və zorakılığa son qoyulmasını tələb edirəm. Rejim uzun sürəcək olan bu proses çərçivəsində xalqın istəklərinə qarşı gələ bilməyəcək. Bu bizim açıq ismarıcımızdır. Biz Suriyaya müdaxilə etməyəcəyik, çünki böhranın yeganə həll yolu Kofi Annanın sülh planları əsasında siyasi dialoqlardan keçir" - deyə Rasmussen qeyd edib(anspress.com)

Netanyahu: "İran dünyada ən böyük terrorçu ixracatçısıdır"

İsrailin baş naziri bəyan edib ki, Hindistan və Gürcüstandakı hadisələrin arxasında İran dayanır

İsrailin baş naziri Binyamin Netanyahu Hindistanda və Gürcüstanda İsrail diplomatlarına qarşı terror aktı və terror cəhdində İranı günahlandırıb. ANS PRESS-in “RİA Novosti”yə istinadın verdiyi məlumata görə, Netanyahu İranın Nyu-Dehli və Tiflisdəki hadisələrə görə cavabdeh olduğunu söyləyib. Onun sözlərinə görə, İsrailə qarşı hücumların arxasında İran durur: “İran dünyada ən böyük terrorçu ixracatçısı olaraq qalır”. 

Daha əvvəl isə B.Netanyahu bildirmişdi ki, İsrail tərəfi Azərbaycan və Taylandda analoji hücumların qarşısını alıb. (anspress.com)

Əli Xamenei: İran İsraili 9 dəqiqəyə məhv edər

İranın ali dini lideri yenidən İsrailə xəbərdarlıq edib

"İran İsraili 9 dəqiqəyə məhv edər". Bunu İranın Ali dini lideri Əli Xamenei bəyan edib. Onun strategiya köməkçisinin internetdə yerləşdirdiyi sənəddə Xamenei 2014-cü ildə İranın İsraili məhv edə biləcəyi haqda məlumatlar yer alıb. Xamenei yenidən İsraili "xərçəng şişi" adlandırıb və bəyan edib ki, yaxın gələcəkdə bu ölkəyə zərbə edirilməsə, sonra bu imkan əldə çıxmış olacaq. 

Ayatulla İsrailə qarşı müharibəni "müdafiə cihadı" adlandırıb. Onun sözlərinə görə, İsrail hətta İrana hücum etməsə belə, Fələstin torpaqlarının işğalı sionistlərin müharibəsini təsdiq etmiş olur. Xamenei hesab edir ki, Tehranın raket potensialı İsraili 9 dəqiqəyə məhv etməyə imkan verir. (anspress.com)

Sarkozi: “Türklərə hörmətim var, ancaq...”

Fransa prezidenti müsahibəsində qondarma erməni soyqırımı layihəsinə toxunub

“Türkiyənin istər qərbdə, istərsə də şərqdə yürütdüyü demokratik siyasət həmin regionlarda demokratiyanın bərqərar olmasında əvəzsiz rol oynaya bilər. Türkiyə bütün dünyada, eləcə də İsraildə münaqişə tərəfləri arasında danışıqlar prosesində iştirak etməklə vəziyyətin stabilləşməsinə təsir göstərə bilər”. Bunu “Politique international” nəşrinə müsahibəsində Fransa prezidenti Nikola Sarkozi deyib. Nikola Sarkozi Türkiyənin güclü demokratiyaya malik nəhəng güc mərkəzi olduğunu bildirib. 

Sarkozi Fransa Senatında qəbul edilən qondarma erməni soyqırımını inkar edənlərə qarşı cinayət məsuliyyətini nəzərdə qanun layihəsinin qəbuluna da toxunub. O, Fransanın heç kimə dərs vermək fikrində olmadığını, ancaq hər bir ölkənin öz tarixi qarşısında dayanmalı olduğunu da diqqətə çatdırıb. 
“Bir sözlə türklərə hörmətim var, ancaq onlar da öz tərəfdaşlarına hörmət etməlidirlər”. – deyə Sarkozi qeyd edib. (anspress.com)