Şəhid Hüseyn Abdinov torpağa tapşırılıb

Cəbhə xəttində düşmənin hücumunu dəf edərkən şəhid olan 1995-ci il təvəllüdlü Abdinov Hüseyn Etibar oğlu Sumqayıt şəhər Şəhidlər Xiyabanında dəfn olunub.

Qəzzada ölü sayı 500-ü ötdü

İsrailin hərbi əməliyyatları nəticəsində 3 mindən çox adam yaralanıb

İsrailin Qəzzada keçirdiyi hərbi əməliyyatları nəticəsində ölən fələstinlilərin sayı getdikcə artır. ANS PRESS-in məlumatına görə, Qəzzada son iki həftədə keçirilən əməliyyatlar zamanı 500-dən çox fələstinli ölüb, 3100-dən çox adam isə yaralanıb.

İsrail Qəzzada quru əməliyyatlara başlayandan sonra bölgədə ölənlərin sayı kəskin artıb. İsrail qırıcılarının bölgəni bombardman etməsi nəticəsində xeyli sayda yaşayış evi yerlə bir olub. 

Təkcə ötən gün Xan-Yunis və Rafax şəhərlərində yaşayış məntəqələrinin bombalanması zamanı 9 nəfər ölüb. Onlardan 7-si uşaq olub. (anspress)

İŞİD daha bir qəsəbəni aldı

Qəsəbə uğrunda gedən döyüşlərdə 8 İraq polisi ölüb

İraq və Şam İslam Dövləti qruplaşması İraqda daha bir qəsəbəni ələ keçirib.

ANS PRESS-in məlumatına görə, terrorçu qruplaşma İraqın Salahaddin vilayətinin Ed-Duluiyyə qəsəbəsində nəzarəti ələ alıb. 

Məlumata görə, İŞİD silahlıları dünən bütün günboyu qəsəbəyə hücum edib. Qəsəbə uğrunda gedən döyüşlərdə 8 İraq polisi ölüb, 7 polis olmaqla 16 nəfər yaralanıb. 

Yerli əhali İraq ordusunu qəsəbənin müdafiəsinə kömək etməməkdə qınayıb. 

Qeyd edək ki, İŞİD İraqın Mosul, Tikrit, Baxibə və Telafer şəhərlərini ələ alıb. Qarşıdurmalar nəticəsində 1 milyon insan qaçqın vəziyyətinə düşüb. (anspress)

İranlı deputatlardan "İsraili durdurun" çağırışı

"ABŞ və Qərb müttəfiqlərinin dəstəyini görən İsrailin bu hərəkətlərinə İslam ölkələri laqeydcəsinə şahidlik edir"

İran parlamentinin 210 millət vəkili BMT və İslam Əməkdaşlıq Təşkilatından İsrailin Fələstində həyata keçirdiyi hərbi əməliyyatları dayandırılmasını tələb edib. 

ANS PRESS-in məlumatına görə, iranlı millət vəkilləri İsrailin Qəzzadakı hərbi əməliyyatları vəhşi cinayət adlandırıb: 

"Mərhəmətsiz sionist rejim mübarək Ramazan ayında Qəzzada məzlum xalqı uşaq və qadın ayrı-seçkiliyi etmədən vəhşicə qətlə yetirir. ABŞ və Qərb müttəfiqlərinin dəstəyini görən İsrailin bu hərəkətlərinə İslam ölkələri laqeydcəsinə şahidlik edir". 

BMT və İƏT-nın baş katibindən İsrailin günahkar elan olunmasını istəyən deputatlar Fələstin xalqının müdafiə olunmasını istəyiblər: 

"İsrail, ABŞ və müttəfiqlərinin illərdir Suriyada reallaşdırmaq istədikləri hədəflərə çatmamaları ardından sıra ilə İraq və Fələstində yeni qarşıdurmalar yaratmağa başlayıblar. ABŞ və İsrail bunu çox yaxşı bilsin ki, bölgədə yandırdıqları bütün bu atəşin tüstüsü ən qısa zamanda onların öz gözlərini kor edəcək və bu cinayətlər sionist rejimin sonunu sürətləndirəcək".(anspress)

Güldən Türkiyəyə təbrik mesajı

"Bütün türk xalqını bayram münasibəti ilə təbrik edirəm"

Türkiyə prezidenti Abdulah Gül 19 May Atatürkü Anma, Gənclik və İdman bayramı münasibəti ilə bütün türk xalqını təbrik edib. 

ANS PRESS-in məlumatına görə, Gül bayramla əlaqədar olaraq yazılı mesaj yayıb. 

Mesajın əvvəlində Soma faciəsinə görə bütün türk xalqının dərin bir kədər içərisində olduğu qeyd edilib: “Bu gün bir tərəfdən milli bayramımıza görə qürur hissləri keçiririk, digər tərəfdən isə Somada baş verən faciənin yanğısını ürəyimizdə daşıyırıq. Bir daha çörək pulu arxasınca gedərkən həyatını itirən mədənçi qardaşlarımıza Allahdan rəhmət diləyirəm. Bütün Türkiyənin başı sağ olsun.”.

Daha sonra prezident Abdullah Gül 19 may Gənclik və İdman bayramın önəmindən bəhs edib və bütün türk xalqını bayram münasibəti ilə təbrik edib.

Onlara şəhid statusu verildi

Soma faciəsində həyatlarını itirənlər "mülki şəhid" kimi tanındılar

Türkiyənin Soma mədənində baş verən faciədə həyatlarını itirənlərə şəhid statusu veriləcək.

ANS PRESS-in məlumatına görə, Türkiyə baş naziri Rəcəb Tayyib Ərdoğan Soma faciəsi ilə əlaqədar təlimat verib. 

Təlimata əsasən terror aktları zamanı həyatını itirən şəxslər üçün işlədilən “mülki şəhid” ifadəsi Soma faciəsi zamanı həlak olan mədənçilər üçün də istifadə olunacaq. 

Belə ki, bundan sonra Somada həlak olan mədənçilər barəsində “mülki şəhid” ifadəsi işlədiləcək. 

Təlimata əsasən həlak olan mədənçilərin ailə üzvləri qısa müddət ərzində iş və maaşla təmin ediləcək.

Qeyd edək ki, Somadakı mədən faciəsində həyatını itirən işçi sayı 301-ə çatıb. 485 işçi faciədən canlı olaraq xilas olub. 

“Cəmiyyətin və Vətəndaş Münasibətlərinin İnkişafı” İctimai Birliyi jurnalistlər arasında Azərbaycanda narkomaniya, onun fəsadları və ona qarşı aparılan mübarizə üzrə məqalə müsabiqəsi elan edir:

Müsabiqənin şərtləri:

* Məqalələr yuxarıda göstərilən mövzulardan birini əhatə etməlidir;

* Qoyulan mövzularda cəmiyyəti narahat edən narkomaniya ilə əlaqədar məsələlərə işıq salmalıdır;

* Məqalələrdə ekspert rəyləri, məsələyə yanaşmada mövqeləri, xüsusilə rəsmi strukturların münasibətinin əks etdirilməsi, araşdırmalar və s. arzu olunandır;

* Müsabiqəyə təqdim olunacaq hər bir məqalənin sonunda aşağıdakı məlumat mütləq qeyd olunmalıdır: “Bu yazı Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyilə “Cəmiyyətin və Vətəndaş Münasibətlərinin İnkişafı” İctimai Birliyinin həyata keçirdiyi layihə çərçivəsində elan olunmuş müsabiqəyə təqdim edilir”.

* Yalnız mətbuatda dərc olunmuş və ya İnternet media portallarında yerləşdirilmiş məqalələr müsabiqəyə təqdim oluna bilər. Məqalə mətbuat orqanında dərc olunmuşsa, həmin orqanın məqalənin dərc olunduğu sayının nüsxəsi təqdim edilməlidir, məqalə İnternet media portalında yerləşdirilibsə, həmin portalın adı və əlaqədar linkin tam adı dscr-center@hotmail.com elektron poçt ünvanına göndərilməlidir;

* Müsabiqə 05 May 2014-cü il tarixədək davam edəcək.

* Müsabiqənin nəticəsi, yazı vətəndaş cəmiyyətinin nümayəndələrindən və tanınmış jurnalistlərdən ibarət münsiflər heyəti tərəfindən qiymətləndirildikdən sonra, 10 may 2014-ci tarixdə açıqlanacaq.

* Müsabiqənin qalibləri (I, II və III yerlər) mükafatlandırılacaq.

Əlaqə:

Tel: (012) 511 38 21, 492-94-56 (ofis)

E-mail: dscr-center@hotmail.com

Prezident Administrasiyasının rəsmisi QHT-lərin narazılığını şərh etdi

Bu ay Azərbaycanda Vətəndaş Cəmiyyətini Müdafiə Komitəsi yaradılıb. Komitənin ilk müraciətdə deyilir ki, Milli Məclisin 17 dekabr 2013-cü il iclasında “Hüquqi şəxslərin dövlət qeydiyyatı və dövlət reyestri haqqında”, “Qeyri hökumət təşkilatları (ictimai birliklər və fondlar) haqqında”, “Qrant haqqında” qanunlara və İnzibati Xətalar Məcəlləsinə əlavə və dəyişikliklər edilib: “Əlavə və dəyişikliklərdə cərimələrin artırılması, QHT-lərin fəaliyyətinin 1 il müddətinə dayandırılması, vergi və qrant sənədləri, üzvlərin hüquqları, sənədləşmə və məsuliyyətə cəlb etmənin dairəsinin genişləndirilməsi nəzərdə tutur. Qanunvericiliyə xarici QHT-lərin fəaliyyətinə ciddi mane olacaq düzəlişlər də edilib.

Hesab edirik ki, əlavə və dəyişikliklərin qüvvəyə minməsi Azərbaycanda vətəndaş cəmiyyətinin inkişafını əngəlləyəcək, onların fəaliyyəti üçün əlavə məhdudiyyətlər və problemlər yaradacaq”.

Müraciəti Vətəndaş Cəmiyyətini Müdafiə Komitəsi adından Qubad İbadoğlu, Arzu Abdullayeva, Leyla Əliyeva, İntiqam Əliyev, İlqar İbrahimoğlu, Mehman Əliyev, Oqtay Gülalıyev, Sabit Bağırov, Azər Mehtiyev və başqaları imzalayıb.

Prezident Administrasiyasının ictimai-siyasi məsələlər şöbəsinin müdir müavini Tahir Süleymanov yanvarın 9-da “Media forum” saytına deyib ki, Milli Məclisin QHT qanunvericiliyində qəbul etdiyi dəyişikliklər Prezident Administrasiyanın müvafiq şöbələrində öyrənilir: “Hələ ki, öyrənilmə getdiyi üçün məsələ ilə bağlı geniş müzakirə aparmaq düzgün olmazdı. Onu da qeyd edim ki, QHT-lərin həm ümumi fikirləri, həm də hər müddəa və maddə ilə bağlı konkret rəy və təklifləri ola bilər. Onlar bizdə olmadığı üçün əks arqumentləri görə bilmirik.

Həmçinin bununla bağlı digər qurumlarla da məsləhətləşmələr aparılır. Bizim üçün QHT-lərin konkret rəy və təkliflərinin nədən ibarət olması maraqlıdır. Narazı olan bir sıra vətəndaş cəmiyyəti təşkilatının ötən ilin sonunda bizə təqdim etdiyi bəyanatda konkret bir şey yox idi. Görüş zamanı da onlara bildirildi ki, iki-üç gün ərzində rəy və təkliflərini Prezident Administrasiyasına təqdim etsinlər. Hələ ki, bizə heç bir rəy və təklif gəlməyib. Qeyri-hökumət təşkilatları müəyyən müddətə kimi öz rəy və təkliflərini bizə göndərməlidirlər.

Qeyri-Hökumət Təşkilatlarına Dövlət Dəstəyi Şurasının da bu məsələ ilə bağlı rəyləri öyrəniləcək. Bütün rəy və təkliflər alındıqdan sonra prezident İlham Əliyevə təqdim olunacaq. Prosedura görə, gələn qanunlar öyrənilir və təhlil olunur, sonra qanunun imzalanıb-imzalanmaması ilə bağlı ümumi rəy hazırlanır. Son söz isə prezidentindir”.

QHT-lər İlham Əliyevi parlamentdə qəbul edilən qanunu imzalamamağa çağırır

40-a yaxın təşkilat rəhbəri prezidentə müraciət edib ki, QHT-lərin fəaliyyəti ilə bağlı qanunvericiliyə dəyişiklikləri imzalamasın. Müraciət müəlliflərinin fikrincə, parlamentin dekabrın 17-də qəbul etdiyi dəyişikliklər QHT-lərin fəaliyyətini məhdudlaşdırır.