Separatçılar hücuma keçdi

Hücumlar zamanı Ukrayna ordusunun 13 əsgəri yaralanıb

Ukraynanın şərqində döyüşlər yenidən qızışıb.

ANS PRESS-in məlumatına görə, ordu qüvvələri ilə separatçılar arasında gedən döyüşlərdə Ukrayna əsgərlərindən 13 nəfəri yaralanıb.

Bu haqda Anti 

terror əməliyyatı qrupunun spikeri Vladislav Seleznyov xəbər verib.

Onun sözlərinə görə, 25 hücum aktı qeydə alınıb, separatçılar artilleriya sistemləri və "Qrad" raketlərindən istifadə ediblər.

Seleznyov ən çətin vəziyyətin Debalçevo sahəsində Baxmutka yaşayış massivində olduğunu qeyd edib.

Qeyd edək ki, bu gün Ukrayna tərəfi də açıqlama vərərək bildirmişdi ki, ötən gün gedən döyüşlərdə 200 separaatçı məhv edilib. (anspress)

İŞİD daha 50 nəfər müsəlmanı qətlə yetirdi

Kütləvi qətl kampaniyası İraqın Ənbar vilayətində həyata keçirilib

İŞİD terror qruplaşması İraqda bu gün 50 nəfəri edam edib. 

ANS PRESS-in məlumatına görə, İŞİD yaraqlıları onlara müqavimət göstərənlərə qarşı həyata keçirdikləri kütləvi qətl kampaniyası Ənbar vilayətində həyata keçirilib. 

Məlumata görə, İŞİD tərəfindən güllələnənlər sünni müsəlmanlar olub.

Bir neçə gün əvvəl İraq hökümətindən verilən rəsmi açıqlamada deylirdi ki, Ramadi şəhəri yaxınlığında qəbiləyə aid 150-dən çox cəsədin basdırıldığı kütləvi məzar aşkar edilib. Qəbilə İŞİD-in Bağdadın qərbinə doğru genişlənməsinə müqavimət göstərir. 70-dən çox nəfər isə Hit qəsəbəsində qətlə yetirilib.

İŞİD yaraqlılarından biri bildirib ki, edamlar onlara müqavimət göstərən hər bir şəxsə şamil olunacaq. (anspress.com)

İŞİD Həcc ziyarətinə təsirsiz ötüşməyəcək

Yaxın Şərqdə İŞİD təhlükəsi böyük olsa da, zəvvarlar təhlükəsizlikdə olduqlarına inanırlar

Şimal-Qərbi Afrikada Ebola virusunun yayılması və Yaxın Şərqdəki münaqişələr Məkkədə Həcc ziyarətinə təsirini göstərə bilər. 

ANS TV-nin məlumatına görə, Yaxın Şərqdə İŞİD təhlükəsi böyük olsa da, zəvvarlar təhlükəsizlikdə olduqlarına inanırlar.

Amerikalı zəvvar İmran Baiq “ŞİD-i "qorxaqlar dəstəsi" adlandırıb və onların sadəcə İslamdan öz xeyirləri üçün istifadə etdiklərini söyləyib. 

Səudiyyə Ərəbistanı hökuməti bu il Ebola virusunun yayıldığı Syerra-Leone, Liberiya və Qvineya kimi Afrika ölkələrindən zəvvarlara viza verməyib. Hər ehtimala qarşı Kəbə ətrafında dövr edən izdiham arasında bəzi zəvvarlar özləri sağlamlıq tədbirləri görür və qoruyucu maskalar taxırlar.

Malayziyalı zəvvar İlyas İsmayıl deyirki, sağlamlığı üçün bu maskanı taxır. Çünki Afrika ölkələrində Ebola virusunun yayıldığını eşidib və bu virusa yoluxmaqdan qorxduğu üçün bunun qarşısını almağa çalışır. 

Onu da qeyd edək ki, Səudiyyə Ərəbistanında Ebola virusuna yoluxma halı qeydə alınmayıb. (anspress.com)

Putin və Poroşenko razılığa gəldilər

Prezidentlər arasında telefon danışığı olub

Rusiya prezidenti Vladimir Putin ukraynalı həmkarı Pyotr Poroşenko arasında telefon danışığı olub.

ANS PRESS-in məlumatına görə, bu barədə Kremlin mətbuat xidməti açıqlama yayıb.

Açıqlamada bildirilir ki, telefon danışığında prezidentlər Ukraynanın şərqində gedən prosesləri müzakirə ediblər.

Münaqişə bölgəsində atəşkəs rejiminə əməl edilməsindən məmnunluq ifadə olunduğu bildirilir. Prezidentlər həmçinin, Donetsk və Luqansk vilayətlərinin sakinlərinə humanitar yardımın çatdırılması məsələlərinə də toxunub.

Vladimir Putin və Pyotr Poroşenko danışıqların davam etdirilməsinə dair razılığa gəliblər. (anspress.com)

ABŞ-dan İŞİD-ə silsilə hücum

Terrorçu qruplaşmanın mövqelərinə 3 ardıcıl hücum təşkil edilib

ABŞ ordusu Ərbil və Mosul bəndi yaxınlığında yerləşən "islam Dövləti" (İŞİD) terror qruplaşmasına aid mövqelərə hava hücumları təşkil edib. 

ANS PRESS-in məlumatına görə, Amerika Birləşmiş Ştatları (ABŞ) Silahlı Qüvvələri Mərkəzi Komandanlığı verdiyi açıqlamada, uzaqdan idarə edilən pilotsuz qırıcı təyyarələrlə həyata keçirilən hücumlarda İŞİD-in “Humvee” tipli bir avtomobilini, lazımlı texnikalarından birini və 3 zirehli avtomobilini məhv etdiyi, terrorçu qruplaşmaya aid bir binanın da zərbələrə məruz qoyulduğu bildirilir. 

Bundan başqa, ABŞ Silahlı Qüvvələri Mərkəzi Komandanlığı ordunun avqustun 8-dən bəri İraqda 101 hava hücumu təşkil etdiyi barədə məlumat verib. 

Qeyd edək ki, ABŞ Prezidenti Barak Obama iki həftə əvvəl orduya İŞİD terror təşkilatına qarşı hava hücumlarının həyata keçirilməsi üçün tam səlahiyyət verib. (anspress)

İsrail və Fələstin yenidən danışıqlara başladı

"Hər bir razılıq İsrailin təhlükəsizliyini təmin etməli, "Həmas"ın İsrailə qarşı raket hücumlarına son qoymalıdır"

Misirin təşəbbüsü ilə İsrail və Fələstin arasında danışıqların yeni mərhələsinə başlanılıb. 

ANS PRESS-in məlumatına görə, tərəflər 3 günlük fasilədən sonra bir araya gəlib. Hazırkı 5 günlük atəşkəsin müddəti bu gün başa çatır. 

İsrailin baş naziri Benyamin Netanyahu verdiyi açıqlamada bildirib ki, hər bir razılıq İsrailin təhlükəsizliyini təmin etməli, "Həmas"ın İsrailə qarşı raket hücumlarına son qoymalıdır. 

Fələstinli qanunverici Mustafa Barquti İsrailin Qəzzanın 8 illik blokadasına qon qoymasını tələb edib.

Hazırkı atəşkəs "Həmas"la İsrail arasında 3-cü atəşkəsdir.

Bir aydan artıqdır davam edən qarşıdurmalar nəticəsində əksəriyyəti fələstinli mülki vətəndaşlar olmaqla, 2000-dən artıq insan həlak olub. (anspress.com)

Məşhur İŞİD üzvü məhv edildi

Suriya, İraq və ABŞ tərəfindən İŞİD-ə qarşı həyata keçirilən hərbi əməliyyatlarda yüzlərlə İŞİD üzvü öldürülüb.

Son günlər ABŞ tərəfindən İŞİD mövqelərinə endirilən aviazərbələr terrorçuların xeyli itki verməsinə səbəb olub.

ANS PRESS-in məlumatına görə, Suriya, İraq və ABŞ-ın İŞİD-ə qarşı həyata keçirdiyi ayrı-ayrı hərbi əməliyyatlarda yüzlərlə İŞİD üzvü öldürülüb.

Öldürülənlər arasında Kosovadan terrorçu təşkilata qatılan 26 yaşlı Patrion Matoş da olub. Onun Ərbil yaxınlığında gedən vuruşmada öldürülüdüyü bildirilir.

Qeyd edək ki, Kosovadan 100-dən çox şəxs terrorçu təşkilata qoşulub.  (anspress)

Şəhid Hüseyn Abdinov torpağa tapşırılıb

Cəbhə xəttində düşmənin hücumunu dəf edərkən şəhid olan 1995-ci il təvəllüdlü Abdinov Hüseyn Etibar oğlu Sumqayıt şəhər Şəhidlər Xiyabanında dəfn olunub.

Qəzzada ölü sayı 500-ü ötdü

İsrailin hərbi əməliyyatları nəticəsində 3 mindən çox adam yaralanıb

İsrailin Qəzzada keçirdiyi hərbi əməliyyatları nəticəsində ölən fələstinlilərin sayı getdikcə artır. ANS PRESS-in məlumatına görə, Qəzzada son iki həftədə keçirilən əməliyyatlar zamanı 500-dən çox fələstinli ölüb, 3100-dən çox adam isə yaralanıb.

İsrail Qəzzada quru əməliyyatlara başlayandan sonra bölgədə ölənlərin sayı kəskin artıb. İsrail qırıcılarının bölgəni bombardman etməsi nəticəsində xeyli sayda yaşayış evi yerlə bir olub. 

Təkcə ötən gün Xan-Yunis və Rafax şəhərlərində yaşayış məntəqələrinin bombalanması zamanı 9 nəfər ölüb. Onlardan 7-si uşaq olub. (anspress)

İŞİD daha bir qəsəbəni aldı

Qəsəbə uğrunda gedən döyüşlərdə 8 İraq polisi ölüb

İraq və Şam İslam Dövləti qruplaşması İraqda daha bir qəsəbəni ələ keçirib.

ANS PRESS-in məlumatına görə, terrorçu qruplaşma İraqın Salahaddin vilayətinin Ed-Duluiyyə qəsəbəsində nəzarəti ələ alıb. 

Məlumata görə, İŞİD silahlıları dünən bütün günboyu qəsəbəyə hücum edib. Qəsəbə uğrunda gedən döyüşlərdə 8 İraq polisi ölüb, 7 polis olmaqla 16 nəfər yaralanıb. 

Yerli əhali İraq ordusunu qəsəbənin müdafiəsinə kömək etməməkdə qınayıb. 

Qeyd edək ki, İŞİD İraqın Mosul, Tikrit, Baxibə və Telafer şəhərlərini ələ alıb. Qarşıdurmalar nəticəsində 1 milyon insan qaçqın vəziyyətinə düşüb. (anspress)