14-03-2013, 13:33 / Əhməd Abasbəyli: “Bu yükün az hissəsi Azərbaycan bazarında gerçəkləşdirilir”

“Bütünlükdə narkotik dövriyyəsinin qarşısını almaq qeyri-mümkündür”

Dövlət Departamentinin hesabatına görə, ötən il dünya üzrə daşınmış narkotik maddələrin 15%-i Azərbaycan ərazisindən kerçirilib. Bu probelmə bağlı suallarımızı Cəmiyyətin və Vətəndaş Münasibətlərinin İnkişafı İctimai Birliyinin rəhbəri Əhməd Abasbəyli cavablandırır.

-ABŞ Dövlət departamentinin beynəlxalq narkotik daşımaları barədə illik hesabatına görə, bu yüklərin 15%-i Azərbaycan ərazisindən keçirdilib Avropa ölkələrinə aparılır. Departament etiraf edir ki, bu yüklərin çox az qismi müvafiq strukturlar tərəfindən müsadirə edilir. Bu məlumat nə dərəcədə həqiqətə uyğundur? 

-Əslində, ötən illərdə də belə bir məlumat var idi ki, narkotiklərin daşınması üzrə tranzit ölkələrdən biri də Azərbaycandır. Bu yüklər, əsasən, Əfqanıstan-İran-Azərbaycan-Rusiya-Avropa marşrutu üzrə daşınır. Amma qeyd etməliyəm ki, əsas narkotik marşrutu Orta Asiya ölkələrindən keçir. Bununla belə, ortalıqda çoxlu faktlar var ki, İrandan Azərbaycana il ərzində xeyli narkotiklər keçirilir. Ölkənin güc strukturları bu probelmi önələmək üçün imkanlar daxilində kifayət qədər iş aparır. Amma təbii ki, bu yüklərin hamısını ələ keçirtmək mümkün olmur. Çünki narkotiklərin daşınmasını beynəlxalq narkomafiya təşkil edir və bu da məlumdur ki, bu qurum geniş imkanlara və ciddi təşkilatçılıq qabiliyyətinə malikdir. Ancaq Azərbaycandan keçirilən 15% məsələsinə gəlincə mən bu barədə dəqiq fikir söyləyə bilmərəm. Bu faktı dəqiqləşdirmək üçün əsaslı araşdırmalar aparılmalıdır. 

-Amma Dövlət Departamentinin hesabatında ziddiyyətli bir məqam gözə dəyir. Dünya üzrə narkotik daşımalarının həcmi və çəkisi barədə əminliklə ifadə edilən məlumatı nəzərdə tuturam. Departament bu cür dəqiq informasiyanı haradan əldə edir?

Sağlamlıq imkanları məhdud olan yetkinlik yaşına çatmayanların sosial reabilitasiyası istiqamətində işlər aparılacaq
 

Bugünlərdə ölkə başçısı tərəfindən “Sağlamlıq imkanları məhdud uşaqlara və sosial təhlükəli vəziyyətdə olan yetkinlik yaşına çatmayanlara sosial xidmət göstərilməsi sahəsində əlavə tədbirlər haqqında” sərəncam imzalanıb.

Sərəncamda göstərilir ki, son illərdə ölkəmizin sosial-iqtisadi inkişafı sağlamlıq imkanları məhdud uşaqların və sosial təhlükəli vəziyyətdə olan yetkinlik yaşına çatmayanların sosial müdafiəsinin, o cümlədən onlara göstərilən sosial xidmətin keyfiyyətinin artmasına imkan yaradıb. Burada həmçinin göstərilir ki, sağlamlıq imkanları məhdud uşaqlara və sosial təhlükəli vəziyyətdə olan yetkinlik yaşına çatmayanlara göstərilən sosial reabilitasiya xidmətinin təkmilləşdirilməsi məqsədilə Əmək və Əhalinin Sosial Müdafiəsi Nazirliyinə ilkin olaraq 2 milyon manat vəsait ayrılıb.

2013-cü ildə ən populyar peşə hansı olacaq?
Peşə seçimi insanın həyatında ən önəmli amillərdən biridir.
 Bununla insanlar həyatlarında həm sonrakı iqtisadi vəziyyətlərini, həm ətraflarındakı mühiti seçmiş olur, həm də seçdikləri peşənin onlar üçün hansı imkanlar yaradacağını düşünürlər.

Beləliklə, peşə seçimi insanın bütün həyatına təsir edən, gələcəyini müəyyənləşdirən, təsadüflərə buraxılmayacaq qədər önəmli bir qərardır. Ona görə də bu seçimi edərkən çox düşünmək lazımdır.

Hansı peşələrə ehtiyac var?

Ancaq o da bir faktdır ki, bu gün məşhur olan peşələr zaman keçdikcə dəyərini itirir. Texnologiya, bazar mühiti davamlı dəyişir, xidmət sektorunun önəm qazanması, kompüterin bütün sektorlarda hakim olması yeni peşə sahələrinin ortaya çıxmasına səbəb olur. Amerikada aparılan bir araşdırma bəzi peşələrə hər zaman ehtiyac olduğunu, bəzilərinin isə zamanla öz yerini başqa peşəyə verdiyini ortaya çıxarıb. 

Dünyada ən bezdirici və dözülməz peşələr də açıqlanıb. Belə ki, fast-food hazırlamaq, barmenlik, çağırış mərkəzlərində çalışmaq, nəşriyyat işi kimi sahələr ilk 4 sıradadır. 

“Career Builder və Economic Modelinq Specialists İntl.” tərəfindən reallaşdırılan araşdırmaya görə, 2013-cü ildə əsas peşə texnologiya və mühəndislik sahələri olacaq. Mühasibat, nəzarətçi və marketinq kimi peşələri olan şəxslərin 2013-cü ildə şanslı olacaqları bildirilir. Ümumilikdə 18 peşəyə ehtiyac daha çox olacaq. Siyahıda 2013-cü ilin ən məşhur peşəsi kimi proqram tərtibatçısı yer alıb. 2010-cu ildən bu peşəyə ehtiyac 7 faiz artıb ki, 2013-cü ildə ən çox ehtiyac tələb olunan peşələr sırasındadır. İkinci sırada olan mühasibat və nəzarətçilik şirkətlərin maliyyə vəziyyətlərinin yoxlanması və vergilərin düzgün ödənməsi ilə bağlıdır ki, onlara ehtiyac 3 faiz artıb. Üçüncü yerdə olan marketinqə isə ehtiyac 10 faiz artıb. Digər yerləri isə kompüter sistemləri analitiki, insan resursları, təhsil, avtomobil, sənaye mühəndisi, ictimaiyyətlə əlaqələr, logistika mütəxəssisləri və s. tutur.

QHT Əməkdaşlıq Alyansının həmsədri Avstriya səfiri ilə görüşüb

ALYANS AVSTRIYA VƏTƏNDAŞ CƏMIYYƏTI INSTITUTLARI ILƏ ƏMƏKDAŞLIQ EDƏCƏK
 SOSİALXEBER.İNFO QHT Əməkdaşlıq Alyansının həmsədri Avstriya səfiri ilə görüşüb. Bu barədə SOSİALXEBER.İNFO- nun verdiyi xəbərə görə QHT Əməkdaşlıq Alyansının həmsədri Rufiz Qonaqov Avstriya Respublikasının Azərbaycandakı fövqaladə və səlahiyyətli səfiri xanım Silvia Mayer- Kaybiçlə görüşmüşdür. Görüşdə R. Qonaqov xanım səfirə Alyans haqqında ətraflı məlumat vermiş, Azərbaycan və Avstriya vətəndaş cəmiyyəti institutları arasında əlaqələrin qurulmasında və əməkdaşlıqda maraqlı olduğunu bildirmişdir. Görüş çərçivəsində eyni zamanda Azərbaycandakı vətəndaş cəmiyyəti instutlarının vəziyyəti, 2013-  cü ildə Azərbaycanda keçiriləcək prezident seçkilərinin monitorinqi və QHT kualisiyası olaraq Alyansı düşündürən digər məsələlər ətrafında müzakirə aparılmışdır. Xanım səfir Silvia Mayer- Kaybiç Alyansın fəaliyyətini yaxından izlədiyini və öz ölkəsinin müvafiq vətəndaş cəmiyyəti institutları ilə Alyans arasında əməkdaşlıq yaranmasına köməklik edəcəyini bildirmişdir. Görüşdə eyni zamanda QHT Əməkdaşlıq Alyansının Beynəlxalq Əlaqələr katibiNailə İsmayılova, Alyansın üzvü, Cəmiyyətin və Vətəndaş Münasibətlərinin İnkişafı Mərkəzinin Sədri Əhməd Abbasbəyli və BMAM İdarə heyyətinin üzvü Eldar Orucov da iştirak etmişdir.

Qurbanəli Ömər