Gənclər evlənməkdən niyə qorxurlar?
Son vaxtlar gənclərin evlilik yaşı getdikcə artır və bunun səbəbini gənclər müxtəlif amillərlə izah edirlər
Bəlkə, daha yaxşısına rast gələrəm?

Bu gün dünya ölkələrinin bir çoxunda gənclərin evlilik yaşının yuxarı olması bir faktdır və analoji hal ölkəmizdə də özünü büruzə verməkdədir. Bunun səbəblərinə gəldikdə isə evliliyi bir başqasının məsuliyyətini öz üzərinə götürmək kimi qəbul edən gənclər düşünürlər ki, evli olarkən insan sadəcə özü üçün yaşamır. Bir qrup gənc isə belə fikirdədir ki, evlilik insanların bir tərəfdən də müstəqilliyinin əldən getməsidir. Beləliklə, yemək ehtiyacını restorandan sifariş verməklə həll edən, çirkli paltar və qabların yuyulmasını evə gələn xidmətçi vasitəsilə həyata keçirən gənclər evliliyə ehtiyacı olmadıqlarını düşünürlər.

Burada digər amillər də rol oynayır ki, bunlardan biri də evliliklə bərabər, psixoloji olaraq ailəyə bağlılıq qorxusudur. Mütəxəssislərin fikrincə, bəzi evliliklərdə həyat yoldaşlarının bir-birinə qarşı olan sevgi hissləri ən çoxu iki il yarımdan sonra keçir və demək olar ki, başa çatır. Bundan sonra isə onların aralarındakı münasibətlər dostluğa çevrilə bilməmişsə, bu zaman evlilik çətinləşir. Bu da bir faktdır ki, hazırkı dövrdə internet texnologiyasının inkişafı ilə sosial şəbəkələrdə insanların bir-birilə asan əlaqə yaratmaları evlilik üçün cütlüklərin bir-birinə duyduqları hissləri minimuma endirib. Qarşılarında sərhədsiz bir seçim olan, davamlı olaraq “bəlkə, daha yaxşısına rast gələrəm” düşüncəsi insanların evlilik qərarını sonrakı mərhələyə keçirmələrinə səbəb olur. Bundan başqa, “evi bu cür istəyirəm, mebellər bu markadan, bu qədər qızıl olmalıdır” kimi istəklər gəncləri evliliyə qarşı daha ehtiyatlı davranmağa vadar edir.

Həmçinin insanın valideynlərinin, yaxud ətrafında yaşayan evlilərin davalarına, yaxud mübahisələrinə şahid olmaları gənclərdə evlilik mövzusunda tərəddüd və şübhə oyandıra bilər. Evlilik qorxusu xoşbəxt bir ailədə yaşamış uşaqlarda da müşahidə edilə bilər. Belə bir ailədə böyüyən uşaq başqa ruhda olur və qarşı tərəfdən də bunu gözləyir. Münasibətlərində yaşanan ən kiçik münaqişədə belə onun ana və atası qədər xoşbəxt evliliyinin olmayacağını düşünməyə başlayır. Bundan başqa, nişan və toy mərasimi adətlərinin tətbiqi və bunların yaratdığı stress də gəncləri evlilikdən uzaqlaşdırır. Beləliklə, evlilik fəlsəfəsində iqtisadi, fiziki, yaş, təhsil, etibar, mədəni uyğunluq kimi faktorlar önəmlidir. Dövlət Statistika Komitəsinin məlumatına görə, 2012-ci ildə ölkədə 79,3 min nikah qeydə alınıb ki, bu, 2011-ci illə müqayisədə 8,8 faiz azdır. Bu ilin əvvəlindən isə 16,1 min nikah qeydə alınıb. 

Təhsil sahəsində şəffaflıq artırılacaq
«Cəmiyyətin və Vətəndаş Münаsibətlərinin Inкişаfı» Ictimаi Birliyi Prezident yanında QHT-lərə Dövlət Dəstəyi Şurasının dəstəyi ilə “Təhsildə şəffaflığın artırılmasında vətəndaş cəmiyyətinin iştirakı” layihəsini həyata keçirir.  Təşkilatdan “OLAYLAR”-a daxil olan məlumata görə, layihənin məqsədləri ölkədə şəffаflığın yаrаdılmаsındа, kоrrupsiyаyа qаrşı mübаrizədə, rüşvətхоrluğun, sахtаkаrlığın ifşа еdilməsində dövlətə yаrdımçı оlmаq, gənc nəsli bu işə həvəsləndirmək və bu təşəbbüsün bütün ölkə bоyuncа vüsət аlmаsınа nаil оlmаqdır. Lаyihə uzunmüddətli və gеnişmiqyаslı işin  bir  mərhələsi kimi Аzərbаycаnın kоnkrеt bir neçə rеgiоnundа həyаtа kеçirilməsi nəzərdə tutulub. Həmin regionlarda fəаliyyət göstərən qeyri-hökumət və gənclər təşkilаtlаrı  ilə birgə  ictimаi fəаl insаnlаrı həvəsləndirərək, rеgiоnun prоblеmlərinin müzаkirəsini аçmаq, icrа strukturlаrı, bələdiyyələrlə münаsibət qurаrаq, infоrmаsiyа mübаdiləsi аpаrmаq, bir sırа məsələlərlə bağlı birgə аrаşdırma həyat keçirmək, dövlət büdcəsindən mаliyyələşən təşkilаtlаrın fəаliyyəti (təhsil müəssislərində) ilə yахındаn tаnış оlmаq,  şikаyətlərin, nаrаzılıqlаrın şəffаf şəkildə həll оlunmаsını təşkil еtmək layihə çərçivəsində görülən işlərə daxildir. 

“Korrupsiyaya qarşı son illər ciddi islahatlar aparılsa da...”

Əhməd Abbasbəyli: “Məqsədimiz korrupsiyaya qarşı aparılan mübarizəni intensivləşdirmək, köklü dəyişiklərə nail olmaq və dövlətin həyata keçirdiyi tədbirlərdə fəal iştirak etməkdir”

“Cəmiyyətin və Vətəndaş Münasibətlərinin İnkişafı” İctimai Birliyinin sədri Əhməd Abbasbəyli korrupsiyaya qarşı mübarizə sahəsində görülən işlərlə bağlı suallarımızı cavablandırıb.

-Əhməd müəllim, rəhbəri olduğunuz təşkilat korrupsiyaya qarşı mübarizə istiqamətində hansı işlər həyata keçirib?

-Təşkilatımız 7 ildən çoxdur ki, ölkədə şəffaflığın bərqərar olması, korrupsiya və rüşvətxorluğa qarşı mübarizə ilə bağlı müxtəlif layihələr, tədbirlər həyata keçirir. Bununla əlaqədar, ölkə ərazisində müxtəlif istiqmətlər üzrə sosiloji-tədqiqatlar keçirmiş, monitorinqlər aparmış, dəyirmi masalar keçirmiş, ictimai müzakirələr təşkil etmiş, müxtəlif növ çap məhsulları hazırlamışıq. Təşkilatımızın təşəbüsü ilə müxtəlif vaxtlarda yerlərdə vətəndaşlara hüquqi yardım, ərizə və şikayətlərin müvafiq strukturlara çatdırılması məqəsdi ilə məsləhət otaqları fəaliyyət göstərib. 

Uğurlu işlərimizin biri də elə ötən il Bakıda təşkil olunmuş “Korrupsiyaya qarşı mübarizə: yeni ideyalar, yeni qüvvələr” mövzusunda Beynəlxalq Konfarnsı oldu. Konfarnsın işində xarici ekspertlər, dövlət qurumlarının nümayəndələri, səfirliklərin və  ölkədə fəaliyyət göstərən beynəlxalq təşkilatların təmsilçiləri, yerli QHT-lər, KİV və s. iştirak edirdi. Konfransın nəticəsi olaraq Azərbaycanın, Rumıniyanın, Ukraynanın, Gürcüstanın vətəndaş cəmiyyəti institutları  “Qara dəniş Ölkələri QHT-lərinin Antikorrupsiya Şəbəkəsinin “ yaradılması təşəbbüsü ilə çıxış etdilər. Həqiqtən bu maraqlı, səmərəsi ola biləcək bir təşəbbüsdür.  Hal-hazırda da bu istiqamətdə işlər davam edir. Biz bu təşəbbüsə qoşulmaq üçün Qara dəniş hövzəsində olan digər ölkələrin vətəndaş cəmiyyəti institutlarına da müraciət etmişik. Bu günə Moldovadan olan həmkarlarımız da bizə qoşulmaq istəklərinin bildiriblər. Amma etiraf edim ki, proses gözlədiyimizdən zəif gedir. Bunun da bir neçə səbəbi var... Amma inanıram ki, bu fikri tam mənada realaşdırmaq mümkün olacaq.