"Cəmiyyətin və Vətəndaş Münasibətlərinin İnkişafı" İB-nin həyata keçirdiyi "Post-sovet məkanında yeni siyasi vəziyyət: xalqlar arasında münasibətlərin yaxşılaşdırılmasında vətəndaş cəmiyyətinin rolu" layihəsi çərçivəsində beynəlxalq konfrans keçirilib.

BAKI, 14 may — Sputnik. "Cəmiyyətin və Vətəndaş Münasibətlərinin İnkişafı" İB-nin German Marşal Fondunun (BST) dəstəyi ilə həyata keçirdiyi "Post-sovet məkanında yeni siyasi vəziyyət: xalqlar arasında münasibətlərin yaxşılaşdırılmasında vətəndaş cəmiyyətinin rolu" layihəsi çərçivəsində 13 may tarixində Bakı şəhərində beynəlxalq konfrans keçirilib.

Məlumdur ki, son dövrlər dünyada, xüsusi ilə də regionda, o cümlədən  postsovet məkanında baş verən hadisələr hamını, o cümlədən Azərbaycan vətəndaşlarını da narahat edir. Bir tərəfdən Türkiyə və Avropa ölkələrində baş verən terror aktları, müxtəlif yönümülü (radikal dini, milli-siyasi və s.) terrorçuların fəallaşması, digər tərəfdən MDB-də yeni ilhaq addımlarının xofu dünyanı bürüyüb.Layihə  ilk növbədə ölkədə Azərbaycan xalqının dinindən, dilindən, milli mənsubiyyətinədn asılı olmayaraq müxtəlif qrupları (rusdilli əhali, etnik azlıqlar və s.) arasında etimadın artırılması baxımından, həmçinin  mövzu ilə bağlı araşdırmanının aparılması, məsələyə münasibətdə real mənzərənin ortaya qoyulması, ciddi problemlərin vaxtında qarşısının alınması, preventiv tədbirlərin görülməsi, əhali arasında maarifləndirmə işlərinin görülməsi, beynəlxalq əlaqələrin genişləndirilməsi, təcrübə mübadiləsi, bu tip işğalçılıq, xalqlar arasında nifaq salmaq, separatçılıq toxumu səpmək siyasətinin, qonşu dövlətlərdə sabitliyi pozmaq cəhdlərinin qarşısnı almaq baxımından əhəmiyyətli ola bilər. 

Konfranda Ukraynadan, Gürcüstandan, Moldovadan və Azərbaycandan olan ekspertlər tərəfindən məruzələr edilib regionda olan mövcud vəziyyət, bu problemlərin yaranma səbəbləri və həlli yolları müzakirə edilib. Sonda layihə çərçivəsində həyat keçirilmiş sosioloji-tədqiqat işinin nəticələri açıqlanıb. Tədbirdə millət vəkilləri, siyasi partiya liderləri, üzvləri, beynəlxalq təşkilatların, xariici ölkə səfirlklərinin, QHT və mətbuatın nümayəndələri iştirak edib. 

Tədbirdə layihə çərçivəsində hazırlanmış "Post-sovet məkanında yeni siyasi vəziyyət: millətlərarası münasibətlər və separatizm" kitabının da təqdimatı keçirilib.