“Cəmiyyət təhsil sistemində korrupsiya əleyhinə!”
“Cəmiyyət təhsil sistemində korrupsiya əleyhinə!”
Cəmiyyətin və Vətəndaş Münasibətlərinin İnkişafı Ictimai Birliyi German Marşal Fondunun (Black Sea Trust) dəstəyi ilə “Cəmiyyət təhsil sistemində korrupsiya əleyhinə!” layihəsini həyat keçirir. İctimai Birliyin və layihənin rəhbəri Əhməd Abbasbəyli “Paritet”ə açıqlamsında bildirdi ki, istənilən halda şəffaflıq şübhələri dağıtmaqla yanaşı, bir çox mənfi meyllərin qarşısını ala bilər: “Məhz hər iki mənada bu layihənin həyata keçirilməsi vacibdir. Təbii ki, reallıqllar onu diqtə edir, bu çatışmamazlıqların tez bir zamanda düzəldilməsi mümkün deyil. Lakin ölkədə şəffaflğın bərqərar olması, ictimai nəzarətin gücləndirilməsi, bu istiqamətdə təbliğatın qurulması, problemləri cəmiyyətin diqqətinə çatdırılması, xüsusi ilə gənclərin bu işə cəlb olunması tədricən yeni münasibətlərin qurulmasına və sonucda hər şeyin haqqın, ədalətin, saflığın xeyrinə dəyişəcəyinə inamı artırır”.
O dedi ki, məqsəd cəmiyyətdəki istənilən anlamdakı münasibətlərə şəffaflıq gətirməklə yanaşı, heç olmasa gənc nəslin düzgün formalaşmasına yardım etməkdir: “Xüsusi ilə son dövrlərdə - insanların böyuk əksəriyyətinin ölkədə baş verən ictimai siyasi proseslərdən kənarda qaldığı vaxtda, onları fəallaşdırmaq, ictimai problemlərin araşdırılmasına cəlb etmək lazımdır. Onları bu proseslərin fəal iştirakçısına çevirmək ən azı ölkənin gələcəyinə edilmiş istinad baxımından əhəmiyyətlidir. Bu istiqamətdə ilk addımlardan biri də yerlərdə dövlət büdcəsindən maliyyələşən strukturların (o cümlədən icra orqanlarında, təhsil və məhiyyə müəssiəsələrində), fəaliyyəti ilə tanış olmaq, həmin təşktilatlarda şəffaflığın bərqərar olmasına yardım etməkdir”.
Onun fikrincə xüsusi ilə gənclərin daha çox təhsil aldıqları müssiəslərdə korrupsiya, rüşvətxorluq və s. bu cür xoşa gəlməz halların olması onların bir vətəndaş kimi, obyektiv bir insan yetişməsinə mənfi təsir göstərir. Ə.Abbasbəyli bildirdi ki, bu layihə məhz bu problemlərin aradan qaldırılmasına yardım məqsədi daşıyır: “Düşüşünürük ki, nəzərdə tutulmuş tədbirləri həyata keçirməklə, biz tədris müəssislərində müəllim, valideyn və tələbə əməkdaşlığını quru biləcək və bu əməkdaşlığın tədris müəsssiəsələrində korrupsiyaynını qarşısınını alınmasına, şəffaflığın bərqərar olunmasına, həmin müəssiəslərəd sağlam mühitin yaradılmasına yardım edəcək”.
Həmsöhbətimiz hazırkı layihədə təhsil müəssiəslərində korrupsiyaya qarşı mübarizə və şəffaflığın bərqərar olunması üçün beynəlxalq təcrübə ilə tanış olduqlarını da diqqətə çatdırdı. O qeyd etdi ki, bu istiqamətdə Rusiya, Ukrayna və Litvada həyata keçirirlən layihələrin uğurul təcrübəsini ölkəmizdə də tədbiq etmək məqsədilə təklif irəli sürmək qərarına gəliblər: “Layihə çərçivəsində ilkin mərhələ olaraq - 4 ay müddətundə, xeyli işlər görülüb. Həyata keçirilən tədbirlər sırasında təbliğat və təşviqat materiallarının, sinə nişanlarının, saytın yeniləşməsi, forumun hazırlanması, televizya üçün video çarxın hazırlanması, Bakı, Gəncə, Şirvan və Yevlaxda gələcək tədbirləin hazırlığı üçün yerli QHT-lərlə, gənclər təşkilatları görüş-müzakirələrin keçirilməsini və s. qeyd etmək olar. Layihə çərçivəsində sentyabrın 6-da Gəncədə, sentyabrın 25-də Şirvan şəhərində tədbir keçirilib”.
