Bu barədə MİA-ya açıqlama verən “Cəmiyyətin və Vətəndaş münasibətlərinin İnkişafı” İctimai Birliyinin sədri və layihənin rəhbəri Əhməd N.Abbasbəyli bildirib ki, əsas məqsədləri ölkədə ayrıca bir sosial qrup kimi mövcud olan keçmiş hərbçiləri, ehtiyatda olan zabitləri, müharibə veteranlarını və əlillərini səfərbər etmək, problemlərini araşdırmaq, geniş ictimai müzakirələr və onların mənəvi, sosial doaqnostikasını təşkil etmək, reabilitasiya və mülki cəmiyyətə adaptasiyalarına yardım etməkdir. Eyni zamanda mövcud nöqsanların aradan aqaldırlması üçün təkliflərin hazırlanması, bu istiqamətdə konkret addımların atılması, görlən işlərin keyfiyyətini yüksəldilməsi istiqamətində müvafiq tədbirlər görməkdir.



Əhməd N.Abbasbəyli bildirib ki, bu insanlar arasında cəmiyyətdən təcridolunma vərdişlərinin aradan qaldırılması istiqamətində aparılan maarifçilik və təbliğati işlər gücləndirilməlidir: «Biz çalışmalıyıq ki, cəmiyyətdə və dövlətdə keçmiş döyüşçülərə və əlillərə münasibət dəyişsin. Onlar cəmiyyətin ən hörmətli, sayılan təbəqəsi olmalıdır. Yalnız bu qəbilədən olan insanlara bəslənən yüksək münasibət nəticəsində ölkədə vətənpərvərlik ruhunu qaldıra bilərik. Onlar bugünkü gəncliyə yaxşı örnək ola bilərlər. Gənclər görməlidir ki, vətənin azadlığı və bütövlüyü uğrunda canını, sağlamlığını qurban vermiş insanlara cəmiyyətdə necə böyük hörmət, qayğı və diqqət var.

Əhməd N.Abbasbəyli onu da əlavə edib ki, əldə etdikləri məlumatlara görə, hazırda ölkədə rəsmən 90 minə yaxın müharibə veteranı var. Halbuki, həmsöhbətimin fikrincə, birinci Qarabağ müharibəsində bu qədər adam vuruşmayıb: “Əlbəttə, biz istərdik ki, dövlət büdcəsinin əhəmiyyətli bir hissəsi şəhid ailələrinə, müharibə əlilləri və veteranlarına yönəlsin. Çünki müharibədə iştirak etmiş insanlar təkcə fiziki deyil, həm də psixoloji zərbələr alıblar. Onların normal həyata qayıtması üçün müvafiq proqramlar həyata keçirilməli, Dövlət Proqramı qəbul edilməlidir”.